విద్యార్థుల‌కు గుడ్ న్యూస్.. ఇంటి నుంచే ప‌రీక్ష‌లు రాయొచ్చు..

0
168

క‌రోనా మ‌హ‌మ్మారి విజృంభన‌తో దేశం మొత్తం లాక్‌డౌన్‌లో చిక్కుకుంది.. దీంతో.. చాలా కంపెనీలు త‌మ ఉద్యోగుల‌తో వ‌ర్క్ ఫ్రం హోం చేయించుకుంటున్నాయి.. అయితే.. లాక్‌డౌన్ లో చిక్కుకున్న విద్యార్థుల ప‌రిస్థితి ఏమిటి..? విద్యార్థులు ప‌రీక్ష‌లు ఎలా రాయాలి.? అన్న ప్ర‌శ్న‌ల‌కు ఓ గుడ్‌న్యూస్ వినిపిస్తోంది.. ఉద్యోగులకు వర్క్‌ ఫ్రం హోం తరహాలో విద్యార్థులకు ఎగ్జామ్‌ ఫ్రం హోం నిర్వహించేలా ఐఐటీ భువనేశ్వర్‌, సమగ్ర సాంకేతిక పరిజ్ఞానాన్ని అభివృద్ధి చేసింది. ప్రస్తుత ఆన్‌లైన్‌ పరీక్షల విధానంలో ఉన్న లోపాలను అధిగమించేలా ఇందులో వర్చువల్‌ పరీక్ష గదిని వినియోగిస్తారు. విద్యార్థి తన ఇంట్లో లేదా మరెక్కడైనా కంప్యూటర్‌ ముందు ఉండి పరీక్ష రాయవచ్చు. ఇన్విజిలేషన్‌, పరీక్ష పత్రం పంపిణీ అంతా ఆన్‌లైన్‌లోనే జరుగుతుంది. జవాబు పత్రాలను సబ్‌మిట్‌ చేశాక కావాలంటే ప్రింట్‌ తీసుకోవచ్చు. నమ్మకమైన ఇన్విజిలేషన్‌ కోసం, నెట్‌వర్క్‌ సమస్యలు లేకుండా ఉండడం కోసం రెండు, అంతకంటే ఎక్కువ నెట్‌వర్క్‌ కనెక్షన్లు వినియోగిస్తారు. కొత్త పరిజ్ఞానాన్ని ఉపయోగించి దేశవ్యాప్తంగా 240 మంది విద్యార్థులకు 31 సబ్జెక్టులపై ప్రయోగాత్మకంగా విజయవంతంగా పరీక్షలు నిర్వహించామని ఐఐటీ డైరెక్టర్‌ ఆర్వీ రాజా కుమార్‌ తెలిపారు. అందుబాటులో ఉన్న వీబాక్స్‌ సాంకేతికతను వినియోగించామని, ఈ విధానంలో అన్ని రకాల పరీక్షలూ నిర్వహించవచ్చని తెలిపారు..దీంతో.. ఈ వి ధానాన్ని అన్ని ప‌రీక్ష‌ల‌కు అందుబాటులోకి తెస్తే విద్యార్థుల‌కు చాలా ఉప‌యోగ‌క‌రంగా ఉంటుందంటున్నారు విద్యారంగ నిపుణులు..

Leave a Reply