అమెజాన్ గుడ్‌న్యూస్.. త్వరలో 50 వేల తాత్కాలిక ఉద్యోగాలు..

0
445

కరోనా లాక్‌డౌన్ కారణంగా ప్ర‌పంచంలోని అన్ని దేశాల‌తో పాటు మ‌న దేశం కూడా తీవ్ర ఆర్థిక సంక్షోభంలో కూరుకుపోయింది.. దీంతో.. ప‌లు కంపెనీలు ఉద్యోగుల‌ను తొల‌గించాల్సిన ప‌రిస్థితులు ఏర్ప‌డ్డాయి.. దాదాపు అన్ని కంపెనీలు త‌మ ఉద్యోగుల సంఖ్యను త‌గ్గిస్తూ పోతుండ‌గా.. ప్రముఖ ఈ-కామర్స్ దిగ్గజం అమెజాన్ మాత్రం అందుకు భిన్నమైన వార్త చెప్పింది. దాదాపు 50 వేల మంది ఉద్యోగులను తాత్కాలిక ప్రాతిపదికన తీసుకుంటామని వెల్లడించింది..లాక్ డౌన్ నేపథ్యంలో మారిన పరిస్థితులను తనకు అనుకూలంగా మలుచుకునేందుకు ఈ-కామర్స్ దిగ్గజం అమెజాన్ ప్రణాళికలు రచిస్తోంది. దేశవ్యాప్తంగా షాపింగ్ మాళ్లు, డిపార్ట్ మెంటల్ స్టోర్లు తెరుచుకోకపోవడంతో ఆన్ లైన్ షాషింగ్ కు గిరాకీ ఏర్పడింది. ఈ పరిణామాన్ని పసిగట్టిన అమెజాన్ తన కార్యకలాపాలు మరింత విస్తృతం చేయాలని నిర్ణయించుకుంది. . మొదట్లో కొన్ని వస్తువులకు మాత్రమే అనుమతి ఇచ్చిన ప్రభుత్వం ఇప్పుడు దాదాపు పూర్తి అనుమతులు ఇచ్చింది. తాజా సడలింపులతో ఈ-కామర్స్ సంస్థలు ఊపిరి పీల్చుకున్నాయి. ఈ నేపథ్యంలో వ్యాపారం పుంజుకుంటుందని భావిస్తున్న అమెజాన్ డెలివరీ నెట్‌వర్క్, అమెజాన్ ఫుల్‌ఫిల్‌మెంట్ కేంద్రాల్లో తాత్కాలిక ప్రాతిపదికన 50 వేల మందిని నియమించుకోవాలని నిర్ణయించినట్టు అమెజాన్ సీనియర్ ఎగ్జిక్యూటివ్ అఖిల్ సక్సేనా తెలిపారు.. కాగా, అమెజాన్ తాజాగా ‘అమెజాన్ ఫుడ్’ పేరిట ఇప్ప‌టికే ఆహార డెలివరీ విభాగాన్ని కూడా ప్రారంభించింది.. స్విగ్గీ, జొమాటోలకు దీటుగా ‘అమెజాన్ ఫుడ్’ గుర్తింపు తెచ్చుకుంటుందని సంస్థ భావిస్తోంది. ప్రస్తుతం అమెజాన్ ఫుడ్ కార్యకలాపాలు బెంగళూరు వరకు పరిమితమైనా, క్రమంగా దేశంలోని ముఖ్య నగరాలకు విస్తరించనున్నారు.. సో.. అమెజాన్ కంపెనీ తీసుకున్న ఈ నిర్ణ‌యం ఈ క‌ష్ట‌కాలంలో నిరుద్యోగుల‌కు మంచి అవ‌కాశంగా మారనుంద‌న్న ఆనందం స‌ర్వ‌త్రా వ్య‌క్త‌మ‌వుతోంది..

Leave a Reply